اخبار الاهلي

خاص إبراهيم الجمال| عدم التوفيق هو سر خروج سله الأهلي بموسم غير جيد..و سأنهي مسيرتي في القلعة الحمراء

في حوار خاص لموقع “جول بالعربي” مع ابراهيم الجمال لاعب الفريق الأول لكره السله رجال بالنادي الأهلي والحديث عن مستوي المارد الأحمر، و كيف يري الجهاز الفني الجديد للقلعة الحمراء.

و جاء الحوار كالآتي:-

في وجهه نظرك ايه سبب خساره الأهلي معظم البطولات اللي شارك فيها ، مع انه بيمتلك اسكواد من احسن الاعيبه اللي موجوده في مصر؟

-انا مش عاوز اخوض في تفاصيل النقطه دي بسبب اني لاعب في الفريق ، و لكن استطيع القول عدم التوفيق في بعض المباريات الهمه و الحاسمه.

خاص إبراهيم الجمال| عدم التوفيق هو سر خروج سله الأهلي بموسم غير جيد..و سأنهي مسيرتي في القلعة الحمراء
خاص إبراهيم الجمال| عدم التوفيق هو سر خروج سله الأهلي بموسم غير جيد..و سأنهي مسيرتي في القلعة الحمراء

الأهلي استضاف بطولة افريقيا للسله في موسم 2017 و استطاع الحصول عليها ، و في 2019 استضافها و خرج من المجموعات ، معظم اسكود 2017 متواجد حاليا فما سبب عدم تتويج الأهلي بافريقيا 2019؟

-البطولة الموسم ده بتتلعب بي نظام جديد يمكن الإجهاد في مباريات الدوري و الكاس ، قبل ما نلعب ماتشين سموحه كان ليه عامل كبير و ان سموحه كانت تمتلك محترفين كويسين ، و بالإضافة للقيادة الفنيه كابتن اشرف توفيق ،
احنا قبل ماتشين سموحه كان في قبل نهائي و نهائي الكاس و سموحه كان مريح وده اداهم أفضليه بدنيه.

تجهيزات الأهلي للموسم المقبل ، هتشهد وجود مدير فني جديد بقيادة كابتن اشرف توفيق و احمد الجارحي و كابتن طارق الغنام المعتزل حديثاً + تدعيمات جديده .. هل شايف ان وجود كابتن طارق الغنام مع جهاز فني جديد هيقدر يكون وصله اللحام مابينكوا و بين الجهاز الفني و التدعيمات الجديده بحيث متاخدوش فتره كبيره للأنسجام؟

خاص إبراهيم الجمال| عدم التوفيق هو سر خروج سله الأهلي بموسم غير جيد..و سأنهي مسيرتي في القلعة الحمراء
خاص إبراهيم الجمال| عدم التوفيق هو سر خروج سله الأهلي بموسم غير جيد..و سأنهي مسيرتي في القلعة الحمراء

-اكيد وجود كابتن اشرف علي راس الجهاز و جهازه كابتن احمد و كابتن طارق هيكون ليهم دور أساسي في العودة الي البطولات ووجود الغنام اكيد اضافة لما يمتلكه من خبرات ودا بيصب في مصلحة الفريق، و بشكر طارق خيري علي الفتره الماضيه ،وأكيد الصفقات هتبقي أضافه للفريق.

ابراهيم الجمال من احسن لاعيبة الباسكت اللي موجوده في مصر بشكل خاص و افريقيا بشكل عام .. هل لو جالك عرض للاحتراف هتقرر الاحتراف ، و لا مقرر الاعتزال في النادي الأهلي؟

-بالفعل عرض عليا بعض التجارب الاحترافية بس فضلت أني أكون في النادي و ان شاء الله هختم مشواري في النادي الأهلي.

خاص إبراهيم الجمال| عدم التوفيق هو سر خروج سله الأهلي بموسم غير جيد..و سأنهي مسيرتي في القلعة الحمراء
خاص إبراهيم الجمال| عدم التوفيق هو سر خروج سله الأهلي بموسم غير جيد..و سأنهي مسيرتي في القلعة الحمراء

شايف مين خليفه ابراهيم الجمال في الملاعب المصريه او اللي نقدر نقول عليه في حاجه من ابراهيم الجمال؟

-في لاعيبة كتير كويسه و ان شاء الله يقدموا لي المنتخب كتير.

الأفضل ليكوا ك لاعيبة و اندايه .. نظام الدوري القديم ام النظام الجديد؟

-اكيد النظام الجديد جيد جدا هي المشكلة ان مواعيد تبقي معروفه من قبل بدايه الموسم ، لكنه نظام جيد و أضاف الي كرة السلة.

تقيمك للموسم السلة المنتهي حديثا بشكل عام مش للنادي الأهلي بس؟

-موسم قوي ، صعب تقولي مين هيكسب و اعتقد وسع القاعدة الجماهيرية لمتابعة كرة السله و الموسم القادم هو الاصعب.

في وجهه نظرك مين افضل لاعب في الدوري بخلاف حضرتك طبعاً؟

-في لاعيبة كتير كبير و ذو خبرات بتفرق مع فريقها ، فا مش عايز أقول اسم معين عشان في ناس كتير كويسة.اكيد في فروق بس بتبقي طفيفة.

خاص إبراهيم الجمال| عدم التوفيق هو سر خروج سله الأهلي بموسم غير جيد..و سأنهي مسيرتي في القلعة الحمراء
خاص إبراهيم الجمال| عدم التوفيق هو سر خروج سله الأهلي بموسم غير جيد..و سأنهي مسيرتي في القلعة الحمراء

ماذا ينقص كره السلة المصريه للتحليق في سماء افريقيا و العالم؟

-تطبيق الاحتراف علي اللعيبة المصرين و الاحتكاك الخارجي مع المستويات القوية.

مصر بتمتلك مواهب عديده في كرة السلة متوزعه علي جميع الاندايه .. فشايف ايه ناقص منتخب مصر بعد وجود اسكواد من اللاعيبة عالي جداً؟

-توفير المناخ اللي يسمح ان اللعيبة تطلع احسن ما عندها و كثرة الاحتكاك الخارجي.

الوسوم

روان السيد

روان السيد كاتبه صحفيه عملت فى الكثير من المواقع الاخبارية منها بوابة الجمهورية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق