اخبار الاهلياخبار الزمالكالبطولة الأفريقيةالدوري المصريجول مصريدوري أبطال افريقيادوري ابطال اورباكأس امم افريقيا 2019منتخب مصر

خاص لـ جول بالعربي .. الأعلاميه دينا سكر | صعب التوقع بمن بطل الدوري .. و الزمالك الأقرب للتتويج بالكونفدراليه


•في خاص لجول بالعربي | من بطل الدوري .. و من اقرب للتتويج بالكونفدراليه .. و حظوظ منتخب مصر للتتويج بالبطولة .. و من أقرب للفوز بدوري أبطال أوروبا .. كل هذا ستجيب عليه الأعلاميه دينا سكر في حوار خاص لجول بالعربي.


•في البدايه.شايفه المنافسه ازاي في الدوري المصري و في رأيك مين اقرب للتتويج بالدوري.
-الدوري المصري السنه دي المنافسه فيه شرسه جدا جدااا وتوقع الفايز بقي مش سهل خالص زي السنين اللي فاتت ، في منافسه شديده بين فرق القمه ومنافسه برضو شديده في فرق القاع فدا مدي حاله من الاثاره لكل ماتش.


•رايك ف تجربة بيراميدز ف الدوري و هل أضافه منافسه مع الأهلي و الزمالك.
-تجربه بيراميدز زادت من اثاره الدوري المصري ، وخلت في منافس جديد يظهر ويتعمل حساب ليه في مبارياته.


•رايك ف تراجع الاهلي عن التتويج الأفريقي ، وشايفه ايه سبب تراجعه
-تراجع الأهلي للأسف في كل نهائي كان ليه سبب مختلف ، الأهلي بقالوا فتره مش في احسن حالاته ومع ذلك بينافس ، بس الجديد هو انه بقي يوصل النهائي ويخسر بشكل غريب ، مره بسبب ظلم التحكيم ، ومره اللاعيبه والاداره اللي ظلمته ، والمره الأخيره كان اللاعيبه اللي ادت اسوء مباريتها علي الأطلاق والتحكيم اللي كان واقف للأهلي بقيادة بكاري جاسما بشكل مستفز في مباراه الإياب أمام صن دونز.


•هل مارتن لاسارتي مناسب انه يكون المدير الفني للأهلي و هل قرار الأبقاء عليه بعد خماسيه صن داونز كان صحيح من وجهه نظرك.
_انا مش مقتنعه اوي بمارتن لاسارتي ، ومش شايفه بصمه واضحه ليه حتي الأن في الأداء بس مش مع الإقاله بعد مباراه صن داونز خصوصا ان الفريق كان محتاج يكون مستقر عشان يركز في الدوري فوجود مدرب جديد لسه هيتعرف علي الفرقه في الوقت الحرج ده من الدوري مش هيكون في مصلحه الفرقه.


•هل الزمالك قادر علي تحقيق الكونفدرالية الافريقيه.
_الزمالك الأقرب لتحقيق الكونفيدراليه ، فكان ليه الحظ الاكبر ، المنافس نهضه بركان فريق كويس بس لسه خبراته مش كبيره في افريقيا بجانب ان الحظ خدم الزمالك ان مباراه الاياب تكون في القاهره ، فالظروف علي الورق بترجح كفه الزمالك ولكن لو اللاعيبه اتمسكت بالفرصه واحترمت المنافس.


•شايفه منتخب مصر قادر علي التتويج بأمم افريقيا و لا صعب و ترشحي مين بجانب المتتخب المصري من باقي المنتخبات للتتويج بالبطولة
_داًيما مبرشحش فريق للفوز ببطوله الأ لما اشوف مستواه في البطوله نفسها ، لكن مصر بيخدمها عامل الجمهور والأرض وده ميزه كبيره أتمني اللاعيبه يستغلوها صح.


•رأيك في منافسات الدوري الأنجليزي هذا العام
_الدوري الأنجليزي طول عمره من أقوي الدوريات لكن السنه دي خطف الإضواء ، عن كل الدوريات بالإثاره والمتعه والقوه والنديه ، والمنافسه اللي بين مانشتر ستي و ليفربول اللي خلت المنافسه لغايه اخر مباراه في الدوري.


• تتتوقعي مين بطل دوري ابطال اوروبا و كيف رأيتي هذه النسخه
_أتوقع وإتمني ليفربول لإنه حقيقي يستحق التتويج ببطوله السنه دي ، بعد المجهود الرائع اللي عمله سواء في الدوري او بطوله اوروبا والنسخه السنه دي من أروع النسخ لإنها كانت غير كل التوقعات وحقيقي كانت تحمل شعار مافيش مستحيل.


•و اخيراً .. هل في حاجه انتي بتحضرلها دلوقتي.
_إن شاء الله بحضر لبرنامج خاص بأمم إفريقيا ، وإن شا الله يعجب المشاهدين.

الوسوم

روان السيد

روان السيد كاتبه صحفيه عملت فى الكثير من المواقع الاخبارية منها بوابة الجمهورية

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
زر الذهاب إلى الأعلى
إغلاق