“محمود” مشجع نادي غزل المحلة من عام 95، بيحب الفريق بطريقة جنونية، لذلك قرر يرسم جرافيتي يجمع أشهر معالم مدينة المحلة بجانب شعار النادي.
وصرح محمود وقال: “فكرة الجرافيتي عبارة عن أشهر حاجة فى معالم مدينة المحلة وهى طبعًا شركة مصر وبرج الساعة والقلل، ومعاهم شعار نادى المدينة غزل المحلة”.
وأضاف محمود: “ده مش أول جرافيتي أرسمه لغزل المحلة ولا هيكون آخر جرافيتي، ولا انتظر المال أو تكريمي من النادي، أنا طول عمري داعم للنادي بكل اللي أقدر أعمله”.
وأختتم:” إن شاء الله هنصعد السنه دي، والصعود بالنسبة لنا مش إنجاز، لأن ده مش مكان غزل المحلة الطبيعي، إحنا مكاننا الطبيعي نكون بننافس على البطولات إن شاء الله”.
محلة يا حبى يا حته من قلبى 🙂