كلمتين

نفاذ تذاكر فيلم “ليلة هنا وسرور” قبل عرضه في كندا بـ10 أيام ..ومحمد إمام يعلق”الحمد لله”

عبر الفنان محمد إمام عن سعادته الكبيرة بنجاح فيلم “ليلة هنا وسرور” أثناء عرضه في كندا ، والذي من المقرر عرضه بعد 10 أيام.

محمد إمام يعبر عن سعادته بنجاح “ليلة هنا وسرور”

وعبر إمام عن سعادته البالغة بنفاذ تذاكر فيلم “ليلة هنا وسرور” في كندا ، وذلك قبل عرضه بعشرة أيام ، حيث نشر عبر حسابه الرسمي على موقع التواصل الإجتماعي “تويتر” تغريدة يقول فيها “سعيد بنجاح فيلم ليلة هنا وسرور في كندا ، قبل عرض الفيلم بعشر أيام نفاذ التذاكر بسرعة ، وعرض له حفلات إضافية زي السينما ما كاتبة على صفحتها ..الحمد لله”.

تغريدة محمد إمام

ومن الجدير بالذكر أن فيلم ليلة هنا وسرور هو آخر الأعمال السنيمائية التي عرضت للفنان محمد إمام بمشاركة الفنانة ياسمين صبري ، حيث طرح الفيلم في سباق عيد الفطر الماضي لعام 2018 ، وحقق نجاحا كبيرا على مستوى شباك التذاكر ، كما أشاد به العديد من النقاد.

محمد إمام يكشف سر أصعب المشاهد في “ليلة هنا وسرور”

كشف الفنان محمد إمام كواليس أصعب المشاهد التي صورها مع الفنانة ياسمين صبري خلال فيلم “ليلة هنا وسرور” ، حيث نشر إمام مقطع فيديو عبر حسابه الرسمي على موقع تبادل الصور ومقاطع الفيديو “إنستجرام” من كواليس الفيلم.

وعلق إمام على الفيديو قائلا: “من أصعب المشاهد اللي صورتها أنا وياسمين صبري ، بنجري بالروب والبيجامة على كوبري قصر النيل يوم الخميس بالليل ، واللي أول مرة تعرفوه إن واحنا بنجري ياسمين وقعت مني في وسط الكوبري وقعدت تعيط على الأرض ، لأن كان عندها أصلا رباط صليبي والناس ابتدت تتلم علينا جامد وأنا قاعد بهدي فيها وأسلم على الناس في نفس الوقت ، لحد ما عربية الإنتاج جت بسرعة وركبنا فيها ومشيت وأنا من كتر اللهوجة نسيت أركب معاهم”.

وتابع إمام قائلا “فجأة لقيت نفسي واقف لوحدي بالروب وحافي في وسط أمة لا إله إلا الله ، وعاوزين كلهم يتصوروا معايا وأنا اتصورت وخلاص والدنيا إتقلبت وانا مش لاقي ولا حد من التصوير ، لحد ما لقيت واحد صاحبي معدي بالصدفة بعربيته ولحقني ، وفي نفس الوقت طقم التصوير بيدورا عليا ومش عارفين أنا فين ، كان يوم صعب بس الحمد لله عدى على خير والمشهد طلع لطيف جدا”.

View this post on Instagram

من أصعب المشاهد اللي صورتها ‼️انا و #ياسمين_صبري بنجري بالبيچامه و الروب على كوبري قصر النيل يوم الخميس بليل 😂 اللي اول مرة تعرفوه ، ان واحنا بنجري ياسمين وقعت مني في وسط الكوبري و قعدت تعيط على الارض لان كان عندها اصلاً رباط صليبي و الناس ابتدت تتلم علينا جامد ، و انا قاعد بهدي فيها و اسلم على الناس في نفس الوقت ، لحد ما عربية الانتاج جت بسرعه و ركبناها فيها و مشيت وانا من كتر اللهوجه نسيت اركب معاهم ، و فجأة لقيت نفسي واقف لوحدي بالروب و حافي في وسط امة لا اله الا الله و عاوزين كلهم يتصورا معايا او اتصورا خلاص و الدنيا اتقلبت و انا مش لاقي ولا حد من التصوير لحد مالقيت واحد صاحبي معدي بالصدفه بعربيته و لحقني ، كان يوم صعب بس عدي على الخير الحمدلله و المشهد طلع لطيف جداً 🤗 #محمد_امام ⚡️ #MohamedEmam

A post shared by Mohamed Emam (@mohamedemam) on

اضف تعليق